भरतपुर आँखा अस्पतालले सञ्चालन गरिरहेका २५ वटा उपचार केन्द्र मध्ये सर्लाहीको सर्लाहीको ईश्वरपुर नगरपालिका–९ मा रहेको आँखा उपचार केन्द्रलाई आर्थिक वर्ष २०८१÷८२ को “वर्ष उत्कृष्ट शाखा“ को रूपमा सम्मानित भएको छ । नेपाल नेत्रज्योति संघ र भरतपुर आँखा अस्पतालको सहकार्यमा सञ्चालित यस केन्द्रले चार मध्ये दुई विधामा—“उत्कृष्ट संयोजक“ र “उत्कृष्ट व्यवस्थापन“—मा संमान प्राप्त गरेको हो।
उत्कृष्ट संयोजकको रूपमा ईश्वरपुर केन्द्रका संयोजक तथा ईश्वरपुर नगरप्रमुख मनोज आचार्य र उत्कृष्ट केन्द्रको रुपमा केन्द्रले पाएको संमान प्रमुख चन्दन मणि रामले ग्रण गरेका छन ।
सम्मान ग्रहण कार्यक्रममा लाउपसंयोजक प्रकाश मैनाली, नगर अस्पताल सञ्चालक समिति सदस्य दिपेन्द्र साह, र कायपालीका सदस्य गणेश ठाकुरचितवन पुगेका थिए।
नगरको सानो प्रयासले धेरै नागरिकले सेवा पाएको उल्लेख गर्दै नगरप्रमुख आचार्यले “भरतपुर आँखा अस्पतालबाट प्राप्त सम्मानले थप प्रेरणा दिएको बताउनुु भयो ।
हाल नेत्र सहायकद्वारा सेवा दिइँदै आएकामो ईश्वरपुर आँखा उपचार केन्द्रमा अब विशेषज्ञ डाक्टरद्वारा सेवा सुरु गर्ने योजना बनाइएको छ।
यो योजना हालै प्राप्त सम्मान र स्थानीय जन समुुदायको मायाका कारण उत्प्रेरित भएको केन्द्रका उप–संयोजक प्रकाश मैनालीले बताउनुु भयो ।
मैनालीका अनुसार, विशेषज्ञ सेवा सञ्चालनसँगै केन्द्रको सेवा गुणस्तरीय र प्रभावकारी बन्ने, र त्यसले सर्लाही जिल्लाभरिका आँखासम्बन्धी समस्या भएका नागरिकलाई राहत मिल्ने बिषवास गर्नुु भयो ।
यसैबीच, भरतपुर आँखा अस्पतालका बाह्य कार्यक्रम संयोजक रमेशकुमार धिमिरेले हाल ईश्वपुुर केनद्रमा प्रत्येक महिनाको २२ गते मात्र विशेषज्ञ सेवा उपलब्ध रहेकोमा अबदेखि हरेक १५–१५ दिनमा, र नियमित साप्ताहिक रूपमा सेवा सञ्चालन गर्ने योजना रहेको जानकारी दिए। दीर्घकालीन रूपमा दैनिक सेवा सञ्चालन गर्ने लक्ष्य लिइएको धिमिरेले बताउनुु भयो ।
सेवा विस्तारको प्रभावबारे बोल्दै मैनालीले भने, “यो योजना सफल भएमा ईश्वरपुर नगर मात्र नभई सम्पूर्ण सर्लाही जिल्लामा आँखासम्बन्धी सेवा पहुँचमा पुग्नेछ । बयलवास बजारमा आर्थिक र सामाजिक चहलपहल बढ्ने मैनालीको बिसवास छ ।
कायपालीका सदस्य गणेश ठाकुरका अनुसार, सेवा केन्द्रमा सेवा बितार सङै याँहाका नागरिकले सेवा लिन बाहिर जान नर्पे बताउनुु भयो जसले स्थानीय विकासमा सकारात्मक असर पार्नेछ ।
त्यस्तै, नगर अस्पताल सञ्चालक समिति सदस्य दिपेन्द्र साहले भने, “नगरभित्रै सबै सेवा उपलब्ध हुँदा ईश्वरपुर र छिमेकी पालिकाका नागरिकले उपचारका लागि अन्यत्र जानुपर्ने बाध्यता अन्त्य हुनेछ ।”
ठोरी गाउँपालिकामा सञ्चालनमा रहेको ठोरी आँखा उपचार केन्द्रले यो वर्ष दुई विधामा उत्कृष्टताको आधारमा सम्मान प्राप्त गरेको छ।
‘उत्कृष्ट केन्द्र प्रमुख’ र ‘उत्कृष्ट अप्टिकल डिस्पेन्सर’ विधामा केन्द्रले पुरस्कार प्राप्त गर्दै बाजी मारेको हो।
शुक्रबारबाट सुरु भई शनिबार सम्पन्न भएको यो कार्यक्रम भरतपुर आँखा अस्पतालको आयोजना तथा नेपाल नेत्रज्योति संघको संयोजनमा सम्पन्न भएको थियो।
कार्यक्रमको अध्यक्षता भरतपुर आँखा अस्पतालका कार्यवाहक सभापति तेजेन्द्रबहादुर खड्काले गनुु भयको छ । कार्यक्रममा नपाल नेत्रज्योति संघका केन्द्रय उपाध्यक्ष तथा बागमती प्रदेश सभापति ऋषिराम पौडेल, केन्द्रय कोषाध्यक्ष चिजकुमार मास्के, साथै विभिन्न नगरपालिकाका प्रमुखहरूको उपस्थिति रहेको थियो।
ईश्वरपुर नगरप्रमुख मनोज आचार्य , कविलासी नगरप्रमुख ब्रह्मदेव राय, भानु नगरप्रमुख आनन्दराज त्रिपाठी ,राप्ती नगरप्रमुख शमशेर लामा ,गैडाकोट नगरप्रमुख मदनभक्त अधिकारी , देवचुली नगरप्रमुख टिकलप्रसाद काफ्ले , कविलासी उपप्रमुख पुनम कर्ण लगायतका उपथीतीमा कायक्रमा संपन भएको कायक्रमा संचालक तथा प्रसासन साखा प्रमुुख दया शंकर चौधरीले जानकारि दिनुु भयो ।
समीक्षा बैठकमा, विभिन्न आँखा उपचार केन्द्रका प्रमुख, अस्पताल सञ्चालक समिति, र उप–सञ्चालन समितिका प्रतिनिधिहरूबीच अनुभव साटासाट गरिएको थियो। भने गरेको कामको बारेमा सबै केन्द्रले आ–आफनो प्रश्तुुती समेत प्रदान गरिएको छ । भरतपुर आँखा अस्पतालका सह–प्रा. डा. पुष्पा गिरीले यस्तो साझा छलफलले केन्द्रहरूबीच सिकाइको आदान–प्रदान र कमजोरी सुधार गर्ने अवसर मिल्ने बताउनुु भयो । उनले यस्ता कार्यक्रमले आगामी दिनमा सेवा सञ्चालनलाई अझ व्यवस्थित र प्रभावकारी बनाउने विश्वास व्यक्त गरे।
